महोत्तरीको सम्सीमा निर्वाचन तालिका परिवर्तन
SATYAM ROY
धनुषा — निर्वाचन आयोगले महोत्तरीको सम्सी गाउँपालिकामा निर्वाचन अधिकृत बदलेर नयाँ निर्वाचन कार्यतालिका सार्वजनिक गरेको छ । मुख्यमन्त्री तथा मन्त्रिपरिषद्को कार्यालयबाट सम्सी गाउँपालिकामा खटिएका निर्वाचन अधिकृत उपसचिव दिलीप प्रधानलाई फिर्ता पठाइएको छ ।
प्रधानको ठाउँमा निर्वाचन अधिकृत विनोदकुमार दाहाललाई खटाइएको छ । दाहालले निर्वाचनको नयाँ कार्यतालिका सार्वजनिक गरेका छन् ।
प्रधानले पूरा गरेको प्रक्रिया दाहालले फेरि दोहोर्याउन वैशाख १९ गते सोमबार दोस्रो पटक मनोनयन जाँच गर्ने, उजुरीउपर जाँचबुझ गरी निर्णय गर्ने सूचना प्रकाशित गरिएको छ । दाबी विरोधको छानबिन गरी अन्तिम नामावली निकालेर सोमबार नै उम्मेदवारी फिर्ता, उम्मेदवारको अन्तिम नमावली प्रकाशन र चुनाव चिह्न प्रदान गर्ने कार्यतालिका सार्वजनिक गरिएको निर्वाचन अधिकृत दाहालले बताए ।
Comments
Post a Comment